XIX зууны нийгмийн хувьслын онол болон нийгмийн тухай сэтгэлгээнээс эхлээд антропологийн түүхэнд гарсан түүхийн партикуларизм, функционализм, структурал функционализм зэрэг гол гол онолын сургуулиудыг энэ хичээлээр судлах болно. Ингэхдээ онолын дэг сургууль болгоны гол төлөөгчдийн намтар бүтээл, онолын чухал үзлүүдийг тодорхой тайлбайрлах болно. Антропологийн онол сэтгэлгээний түүх хичээлийн агуулга ерөнхийдөө хүмүнийг гэхээсээ илүү түүнийг захирч байдаг нийгэм соёл хэмээгчийг судалсан нийгмийн шинжлэх ухаанч онолын түүх байдаг. Хичээлийн хоёрдугаар хэсэгт XX зууны дундаас хойш 1970-аад оны үе хүртэлх онолын судлагааны талаар танилцуулна. Үүнд Францын Леви-Строссын структурализм, Британий Эванс-Притчардын пост модернист сэтгэлгээний эхлэл, Америкийн Геерцийн бэлгэдэлийн болон тайлан тайлбарлах антропологи, Францын Бурдиеөгийн пост структуралист онолын үүсэл зэрэг хичээлүүдийг үзэх болно. Ингэснээрээ хүмүнийг захирч байдаг нийгэм, соёлыг судалдаг шинжлэх ухаанч зарчимаас хүмүнийг гол болгон судалсан харьцангуй хүмүүнлэгийн ухааны шинжтэй онолыг энэ хичээлээр судална.