Энэхүү хичээл нь түргэн хурдацтай даяаршил, өөрчлөлтүүдийн нөлөөгөөр хувьсан өөрчлөгдөж буй олон улсын худалдаа, бизнесийн гол асуудлуудыг судлан үзнэ. Хичээлийн үндсэн зорилго нь оюутны аливаа асуудлыг олж тодорхойлох, судлан шинжлэх, глобаль худалдаа, бизнесийн орчинд ажил хэргээ явуулах чадварыг нь дээшлүүлэхэд чиглэж байгаа юм. Бас дэлхий дахинд өрнөж буй даяарших үйл явцын үнэн дүр төрх, дэлхий ертөнцийн улам бүр өсөн нэмэгдэж буй харилцан хамаарлыг нээн харуулахад чиглэж байгаа юм. Үүний тулд оюутнууд (1) үндэсний эдийн засгийн өрсөлдөх чадвар, (2) худалдаа ба бизнесийн харилцан хамаарал, (3) үндэстэн дамнасан корпорациулын үйл ажиллагаа, (4) худалдаа, бизнесийн бодлого, зохицуулалт зэрэг худалдаа бизнесийн чухал бөгөөд зүй тогтлын шинжтэй асуудлуудын талаар судалгааны ажлуудтай танилцах болно. Хичээлийн төгсгөлд оюутнууд олон улсын худалдаа, бизнесийн хөгжлийн хандлага, харьцангуй даваа тал болон өрсөлдөх чадвар, худалдааны нөхцөл байдлыг тодорхойлогч хүчин зүйлсийн талаар суурь мэдлэгтэй болж, үндэсний худалдааны бодлогыгойлгох, судлан шинжлэх чадвартай болно.