Байгаль орчны эдийн засгийн хичээлийн эхний 2 лекцийн хүрээнд байгаль орчны эдийн засгийн салбар шинжлэх ухаан үүссэн түүхэн нөхцөл, шалтгаан болон байгаль орчин эдийн засаг 2-ийн хоорондын харилцан хамаарлын загвар, тогтвортой хөгжил ба түүний талаарх үзэл баримтлалуудыг үзнэ. Үүний дараах лекцүүдэд байгаль орчинд учруулах бохирдол, эвдрэл сүйрлийг хамгийн бага байхаар эдийн засгийн үйл ажиллагааг хэрхэн оновчтой явуулах болон түүнд нөлөөлөх бодлогын талаар авч үзнэ. Байгаль орчны эдийн засгийн шинжилгээнд хэрэглэгддэг үндсэн үнэлгээний болон судалгааны арга техникүүдтэй танилцана. Хичээлийн сүүлийн лекцүүдээр нөхөн сэргээгдэх нөөц, шавхагдах нөөцийн оновчтой олборлолтын хэмжээг хэрхэн тогтоох аргуудын талаар авч үзнэ.