Глобальчлалын нөлөөгөөр улам төвөгтэй болж буй татварын систем болон эдийн засгийн харилцаанд татварын менежментийн үүрэг роль улам өсч байгаа юм. Татварын менежментийн асуудлыг: макро түвшинд – төрийн татварын менежмент; микро түвшинд – корпорацийн татварын менежмент гэж авч үзэн дараах үндсэн чиглэлүүдээр судална.Үүнд: - Татварын менежментийн субъект, зорилго үр нөлөө, татварын менежментийн микро, макро түвшин; - Татварын дарамтыг макро түвшинд оновчтой байлгах, эдийн засагт татварын ачааллыг хэрхэн хуваарилдаг талаарх онолын үзэл баримтлалууд; - Төрийн татварын менежментийн субъект ба объект; төрийн татварын менежментийн зорилго, үүрэг, төрийн татварын зохицуулалт болон татварын хяналт; - Макро түвшний татварын эрсдэл, түүнийг удирдах, төрийн татварын төлөвлөлтийн агуулга болон татварын төлөвлөлт, таамаглал, үр дүнд суурилсан төсөвлөлтийн аргууд; - Корпорацийн татварын менежментийн онцлог, татвар, түүний төлөвлөлтийг оновчтой болгох ойлголт; - Компаний түвшинд татварын төлөвлөлтийн үүрэг, төлөвлөлтийн элементүүд, татварын төлөвлөлтийн үе шат төлөвлөлтийн зарчмууд, стратегийн болон шуурхай татварын төлөвлөлт, тэдгээрийг хэрэгжүүлэх арга зам; - Компаний татварын асуудал хариуцсан нэгж, түүний бүтэц, зохион байгуулалт үүрэг; - Татварын төлөвлөлт болон бодит гүйцэтгэл хоорондын зөрүүд хийх шинжилгээ зэрэг онол, арга зүйн асуудлыг цогц байдлаар судална.