Санхүүгийн салбарын магистрант, докторант оюутнуудын заавал үзэх мэргэшүүлэх хичээл бөгөөд орчин үеийн төрийн санхүүгийн шинжлэх ухааны зарчим, онол арга зүйг практик жишээ ашиглан судлана. Төрийн санхүү болон эдийн засаг дахь Засгийн газрын үүрэг, хамрах хүрээ, татвар болон зарлагын удирдлагыг судлахын зэрэгцээ төсвийн шинэчлэл, төсвийн орлого, зарлагын удирдлага болон алдагдалд шинжилгээг хийж үнэлэлт дүгнэлт өгөх арга зүйг эзэмшинэ. Төрийн санхүүгийн нөөцийг бүрдүүлэх үндсэн эх үүсвэр, төрөөс эдийн засгийг зохицуулах үндсэн механизм болох макро-эдийн засгийн секторуудын хоорондын харилцан хамаарал, бодит сектор, мөнгөний сектор, Засгийн газрын болон гадаад секторуудын үйл ажиллагааг судална.