Зан төлвийн газарзүйн хүрээнд хүний үйлдэл, харилцааг орон зай, байршил, хүрээлэн буй орчны харилцан уялдааг хамааруулан хувь хүний түвшинд судлана. Хүний зан төлөвт дүн шинжилгээ хийн тэдгээрийн зүй тогтол ялгаатай байдлыг илрүүлэн тогтоодог. Газарзүйн тоон загварууд нь хүний зан төлвийг судлагдахуундаа орхигдуулснаас бодит байдлаас ташаа үр дүн гардаг байдлыг залруулахад оршино. Хувь хүний ялгаатай үнэт зүйлс, итгэл үнэмшил, үнэлэмж, оюун дүгнэлт нь газарзүйн орон зайд шийдвэр гаргахад хэрхэн өөр өөр хандлага гаргаж байгаа учир шалтгааныг тодруулахад энэхүү хичээлийн зорилго оршино.