Үнэт эрдэнийн эрдэс, чулууны гоёмсог сайхан өнгө үзэмжтэй бат бөх, хатуу чанартай ялгарал хэсгүүд нь ердийн биш өвөрмөц нөхцөлд үүсэн бүрэлдэх тул ховор тохиолдохын зэрэгцээ өчүүхэн бага хэмжээтэйгээр биелэн тогтсон байна. Тэдгээр олон төрөл зүйлийн эрдэс, чулуулгийн дотроос содон сайхан өнгө үзэмжтэй үнэт эрдэнийн эрдэс, чулууг эрж хайж олох, танин мэдэж ялгах, шинж чанарыг тодорхойлон шинжлэх, засаж боловсруулан гоёл чимэглэл, урлаг сийлбэрийн зүйлс эдлэл хийх, тэдгээрийн үүсэх процессууд, төстэй эрдсүүдээс ялгах аргууд, орд газар, практик ач холбогдол зэргийг судлана.