Лекц бүр түүхэн он цагийн үечлэл бүрийг эртний түүхээс эхлэн эзэнт гүрний задралын үе хүртэл авч үзнэ. -Монгол нутагт хүн оршин амьдрах болсон 800 мянган жилийн тэртээгээс Хүннү гүрэн хүртэлх үе буюу оршил түүхийн үеийн археологийн үечлэл тус бүрийн онцлогийг танин мэдэх, -Монгол нутагт неолитын хувьсгал болж, МАА, газар тариалан үүссэн асуудал, нүүдлийн МАА болон нүүдэлчийн иргэншлийн үүсэл хөгжил, угсаа-соёлын бүслэл үүссэн нь, эртний нүүдэлчдийн нийгмийн онцлогийг ойлгох, -Монгол нутагт үүссэн анхны төр төстэй бүрдлүүд, тэдгээрийн угсаа хамаарал, нүүдэлчдийн төрийн үүсэл хөгжлийн талаар судлаачдын үзэл баримтлалтай танилцах, -Монголын эртний улсуудын хөгжлийн нийтлэг болон өвөрмөц онцлогийг танин мэдэж, монголчуудын төр ёс, соёлын баялаг уламжлалыг ойлгох, -Монголын эзэнт гүрэнд хамаарах улс гүрэн тус бүрийн түүхийг мэргэжлийн үүднээс үзэх ба эрхшээлд байсан улс орон тус бүрийн зүгээс Монголчуудын талаар явуулж байсан бодлого, дагаар орсон хийгээд эзлэгдсэн улс иргэдийн талаар Монголчуудын өөрсдийн явуулж байсан бодлого гэсэн үндсэн чиглэлийг авч үзэх болно. -Эртний болон дундад зууны Монголчуудын соёл иргэншил Евро-Азийн түүхэнд хэрхэн холбогдохыг танилцуулах болно.