Мэдээллийн аюулгүй байдал (МАБ) гэдэг нь өргөн утгаараа “Нийгэм, институт, байгууллагын мэдээллийн орчны хамгаалагдсан байдал” буюу “Мэдээлэл, өгөгдөл, түүнийг дэмжих дэд бүтцийн хамгаалагдсан байдал” юм. Өөрөөр хэлбэл: Мэдээллийн аюулгүй байдал гэдэгт гадны болон дотоодын сөрөг нөлөөллөөс үл хамааран мэдээлэл, түүнийг дэмжих дэд бүтцийн нууцлагдсан байдал, бүрэн бүтэн байдал, хүртээмжтэй байдлыг хангаж, өөрийгөө хөгжүүлэх чадвараа хадгалж буй мэдээллийн орчны тогтвортой байдал гэж ойлгож болно. Мэдээллийн орчин гэдэгт мэдээллийн харилцан ажиллагаанд оролцож буй субъектуудын нэгдэл, уг харилцан ажиллагааг хангаж буй технологи, мэдээллийн системийн нөөцүүдийг ойлгоно.