Үндсэн хуульт ардчилал, эрх зүйт ёс, үндсэн хуулийн мөн чанар, онцлог шинж, үндсэн хуулийн хяналт, үндсэн хуулийг тайлбарласан шүүхийн шийдвэрт анализ хийх аргачлалын талаарх ойлголт нь үндсэн хуулийг зөвөөр тайлбарлахад шийдвэрлэх үүрэгтэй. Тиймээс, энэ хичээлийн хүрээнд эдгээр ойлголтыг танин мэдэх болно. Мөн, үндсэн хуулийн тайлбарлах талаарх сонгодог аргууд болон АНУ-ын үндсэн хуулийн эрх зүйд хэрэглэгддэг аргуудыг судлах болно. Сонгодог аргуудад хэл зүйн тайлбар, логик тайлбар, системчилсэн тайлбар, түүхчилсэн тайлбар, зорилгын тайлбар багтдаг. АНУ-д хэрэглэгддэг аргуудад үгчилсэн тайлбар, интеншнализм, түүхчилсэн тайлбар, бүтэцчилсэн тайлбар, минимализм, зарчимч тайлбар, прагматизм хамаардаг.