Энэ хичээл нь үндсэн хуулийн эрх зүйн философи, эрүүгийн эрх зүйн философи, хувийн эрх зүйн философийг судлахад чиглэгдэнэ. Үндсэн хуулийн эрх зүйн философийн хүрээнд үндсэн хуулийн философи үндэс, үндсэн эрх ба үндсэн хэм хэмжээний асуудлыг авч үзэхийн зэрэгцээ үндсэн хуулийн эрх зүйн орчин үеийн онол – арга зүйн асуудлыг судлана. Эрүүгийн эрх зүйн философийн хүрээнд голлон хууль зүйн хариуцлага, ялын философийн асуудлыг судлах болно. Хувийн эрх зүйн философийн хүрээнд эрх зүй, эдийн засгийн асуудлыг судлахын зэрэгцээ хувийн эрх зүйн онол – арга зүйн асуудлыг танин мэдэхэд хичээлийн агуулга чиглэгдэнэ. Мөн хувийн эрх зүйн философийг гүнзгийрүүлэн өмчлөх, гэрээний, гэм хорын эрх зүйн философийн онол – арга зүйн асуудлууд хичээлийн агуулгад багтаж байгаа болно.