Энэ хичээлээр хэлний нэгжүүд ард түмний соёлын илэрхийлэл болохтой танилцана. Үүний тулд өнөөгийн хэл шинжлэлд зонхилох болсон хэл, соёлын шүтэлцээний” асуудлыг ерөнхий хандлага болгож “Хэл орон судлал”-ын тухай ойлголт, соёлын тухай ойлголт, хэл соёлын шүтэлцээ, хэл соёлын шүтэлцээнд хүний хүчин зүйл, хүн төрөлхтний түгээмэл мэдлэг, тухайн ард түмний ертөнцийн тухай мэдлэг, эдгээр нь ертөнцийн хэлний зураглалтай холбоотой болох нь, ард түмний амьдрал, ахуйн онцлог зүйл, эдгээрийг нэрлэсэн үгийн сангийн дүйцэлгүй нэгжүүд, тогтвортой нийлэмж, өвөрмөц хэллэг гэсэн сэдвээр лекц сонсоно. Лекц сонсохын зэрэгцээгээр оюутан бүр дээрх лекцийн сэдвээс тодорхой сэдэв сонгон багшийн удирдлагаар үг, хэллэг цуглуулах, ажиглалт, харьцуулалт, анализ дүгнэлт хийх зэргээр бие даалтын ажил бичгээр хийж гүйцэтгэнэ.