Энэхүү хичээлээр интернэт маркетингийн талаарх үндсэн ухагдахуунууд болон технологийн орчинд гарч ирж байгаа өөрчлөлтүүдийг судлахаас гадна и-маркетинг болон уламжлалт маркетингийн ялгаа, ач холбогдлыг ойлгуулж, интернэт хэрэглэгчдийн зан төлөв, интернэт хэрэглэгч зорилтот сегментэд маркетингийн хольцын хүрээнд оновчтой шийдвэр гаргалтын талаар оюутнуудад мэдлэг олгох юм. Түүнчлэн байгууллагын талаарх оновчтой вэб сайт загвар, хөгжүүлэлт, баннер байршуулалт болон и-мэйл маркетингийн онцлогийг авч үзнэ. Мөн өнөөгийн болон ирээдүйн хэрэглэгчдийнхээ талаар шаардлагатай мэдээлэл авах, холбоо тогтоон санал асуулга явуулах, тэдний үнэ цэнэ, сэтгэл ханамж, хүсэл хандлагыг мэдэх интернэт орчинд харилцагч, үйлчлүүлэгчидтэй илүү ойртох боломжтой болох талаар авч үзнэ.