Эртний монголчуудын философи-шашин шүтлэгийн түүхийг ангилах, тайлбарлах болон үечлэх асуудлын талаар судлаач эрдэмтдийн болон шашнуудын ялгаатай өөр өөр байр суурийг тоймлох замаар балар эрт цагийн, Монгол нутагт байгуулагдсан түрүү үеийн улсууд болон Монголын эзэнт гүрний үеийг хүртлэх монголчуудын нүүдлийн ахуй соёл, мэдлэг ухаан, ертөнцийг үзэх үзэл, шашин шүтлэгийн онцлог мөн чанарыг тайлбарлах, эртний монголчуудын философи-шашин шүтлэгийн түүхийн судалгаанд холбогдох гол гол эх сурвалж материалууд, судалгааны бүтээлүүдтэй танилцуулах, үндсэн үе шатуудыг тодорхойлно. Энэхүү хичээлийн хүрээнд Хүннүгээс Киданы үе хүртэлх Монголд бурхан шашин дэлгэрсэн түрүү дэлгэрлийн тойм, Эзэнт гүрнээс Юань гүрэн болон бутралын үеийн дунд дэлгэрэлт, хожуу дэлгэрэлт буюу Манжийн үеийн монголчуудын нийгэам-улс төр, гүн ухааны үзэл санааны чиг хандлага, шашин шүтлэгийн түүхийг тоймлон авч үзнэ. Чингэхдээ, Эзэнт гүрний үе, бутралын үе, Манж Чин улсад дагаар орсон үе, Манжийн ноёрхлын үе, тусгаар тогтнолын төлөө тэмцлийн үе, тусгаар тогтносон БНМАУ-ын үе, ардчилсан Монгол улсын үе гэсэн түүхэн үе бүхэнд монголчуудын нийгэм-улс төр, философийн үзэл санаа болон шашин шүтлэг хэрхэн өөрчлөгдөж шинэчлэгдэж ирснийг түүхэн ба логик аргаар судлана.