Шашны онолыг ангилах арга зүйн салбар ухааны үүсэл, хөгжлийн түүхтэй танилцаж уг чиглэлээр шинжлэх ухаанд хувь нэмэр оруулсан эрдэмтэдийн үзэл бодол, бүтээлийг судална. Тухайн чиглэлийн үүсэл хөгжилийн түүх, шашнй онол баримтлал, гол төлөөлөгчид, тэдний зохиол бүтээл, үйл ажиллагаа, алдартай шавь нар буюу залгамжлагчдын талаар мэдлэг олох юм. Тогтсон таалал хэмээх буддын философийн түүхийн чиглэлээр бичсэн эртний мэргэдийн сурвалжуудтай танилцана. Үзэл баримтлалдаа хөдлөшгүй болсон гэх тогтсон таалал хэмээх нэрийн мөн чанар, утга учир, гадаад хийгээд дотоод тогтсон тааллын ялгалууд, тэдгээрийн үзэл онолыг дэлгэрэнгүй үзнэ. Тогтсон тааллуудыг нэг бүрчлэн бэлгэ чанар, ялгал, тус тусын утга, нэрийн учир гэсэн үндсэн хэсгээр авч үзнэ. Түүнчилэн тогтсон тааллыг "суурь, мөр, үр"-ийг үзэх үзлийн үүднээс ялган үзэх юм. Үүнээс "суурь" гэдэгт үндсэн онолын тал, ахуйн тухай сургаал, "зам, мөр"- нь гэгээрэлд хүрэх арга зам, явдалыг өгүүлдэг бол "үр" гэдэгт ямар үр дүнд хүрэх өөрөөр хэлвэл гэгээрлийн талаар ямар үзэлтэй болохыг мэднэ. Бид шашны үзэл онолыг гадаад үзэлтэн, дотоод үзэлтэн гэж үндсэн хоёр хэсэгт хуваан үзнэ.