XX зууны эхэн болтол олон монголчууд ерөнхийдөө утга зохиолын баримжаа хэл нэгтэй хөгжиж, зохиол бүтээлээ туурвиж ирсэн байдаг. Энэ хөгжлийн түүхийг бид Монголын эртний уран зохиолын хичээлээр үздэг. Түүний эх зохиолуудыг монголын эртний уран зохиолын сурвалж бичгийн судлалаар үзэж танилцдаг. Өнөөдрийн энэхүү хичээлээр бид угсаа гарвал утга соёл үндэс нэгтэй явж ирсэн Төв азийн өргөн уудам нутагт нүүж оршиж ирсэн Алтайн өвөг хэлнээс салбарлан гарсан монгол хэлтнүүд, монгол туургатан ард түмний өнөө бүтээж буй орчин цагийн утга зохиолтой танилцах болно.